سواء كنت مبتدئ في المجال أو عندك خبرة وحابب تطور مهاراتك فالكورس هيكون مناسب ليك، لإنك من خلاله هتقدر تعمل موقع احترافي على ووردبريس خطوة بخطوة، وبشكل مجاني تمامًا ..

الكورس عبارة عن دليل شامل بيغطي كل التفاصيل اللازمة لإنشاء موقع على ووردبريس بطريقة سهلة ومبسطة، وبيبدأ معاك من الصفر، يعني حتى لو مش عندك أي خبرة في المجال هتقدر تتابع، وتفهم الشرح كويس جدًا

فهتلاقيني ببدأ معاك من أول تثبيت السيرفر المحلي، والتعرف علي ملفات ووردبريس والـ Theme، والتعرف على الـ Plugins، وإزاي تستخدمها، ووصولًا لعمل صفحات مختلفة زي: الـ Home، والـ Contact us ..

يعني هتخلص وأنت قادر تنفذ ويبسايت كامل بإيدك، المهم إنك تجهز جنبك ورقة وقلم، وتاخد ملاحظات على كل فيديو بتسمعه، وتطبق ورايا بإيدك أكتر من مرة، لحد ما تتأكد إن المعلومة ثبتت، وقادر فعلًا تنفذها صح لوحدك ..

كمان عملتلك اختبار صغير في نهاية كل جزء عشان تتأكد إنك استوعبت الشرح كويس، وجاهز تتعرف على معلومات جديدة